2007北海道12天自駕遊． 3

Wednesday, 24 October 2007

2007北海道12天自駕遊． 3

Day 3

9/23 (Sun)

一早吃完早餐之後, 放底外母響酒店睇行李, 我同 Winnie 就行 MAZDA 取車. 大約十五分鐘的路程, 到逹唔多起眼的 MAZDA 租車公司, 登記過車牌及 passport 之後, 就開始驗車.......

我地架車仔係經 tocoo book 的, 超抵, 租咗七日, 連埋油錢, 如果唔計抵死比人影快相, 都只係 ~45,000 yen 咋

就係呢架車陪足我地七日啦	出發 lu, 因為行 IC 唔會快好 D, 所以為了慳錢, 全程行國道

穿越時光隧道之後, 好快就到逹富良野	前面架私家車個司機, 只要對隔離個牌講低想要咩, 再駛前些去前面的外賣窗口拿食物

架車一上手就乜都好慣, 唯獨是比個 GPS 玩死, 頭頭好鬼唔慣, 唔係開得快得滯走過龍, 就係慢得滯行極都未到轉彎位. 凈係返酒店取行李的短短路程, 都 DOU 咗好幾個圈 = =

取完行李大約十點鐘在札幌開車, 十二點三左右就到咗富良野, 先去了綱友介紹的"朝日のあたる家"食咖哩蛋包飯. 點知排哂長龍, 差唔多一小時先入到去, 再等了超過30分鐘先有得食, 用 20 分鐘食完就趕去其他景點. 咖喱飯雖然好好味, 但真的等得太久了, 下次儘可能記住早 d 到

朝日のあたる家	朝日のあたる家

朝日のあたる家 - 好好味的富良野咖喱飯, 認住支旗仔先係正貨	朝日のあたる家 - 跟餐送埋富良野出名的牛乳

第一站是彩香の里, 知道這裡秋天還有花田, 便來這裡碰碰運氣, ok 喎, 花田都幾靚, 還見到好多薰衣草 (後來才知唔係) :p

彩香の里 - 冇薰衣草的薰衣草田	彩香の里- 起初還以為這些就是薰衣草

彩香の里 - 紅色的"薰衣草"	彩香の里 - 還有很靚的花田	彩香の里

之後, 便去了富田農場, 秋田的富田農場, 雖然仍是人頭湧湧, 但真的沒甚麼好看, 只略略看了秋の花田, 吃了好好味的薰衣草雪糕及董衣草蜂蜜布丁, 便出發往下一個景點 - 日の出公園.

富田農場 - 秋の花田	富田農場 - 秋の花田


富田農場 - 真的溫室薰衣草	富田農場 - 貎似薰衣草的唔知乜東東


富田農場 - 超好味的薰衣草軟雪糕及布甸	富田農場 - 薰衣草軟雪糕


富田農場	富田農場

由於 GPS 沒有日の出公園的電話, 所以只能去到附近再四周找找. 好不容易找到山腳的停車場, 便下車沿著兩旁種滿花的小路, 一直行上山頂去 "how" 鐘. 行到山頂, 見到一對香港人駕車子到山頂出現, 才知.... 原來可以直接駕車上來, 不用行得這麼辛苦, 不過, 如果不是行上來, 便會錯過了美麗的花小路...

日の出公園 - 靚靚的花小路	日の出公園


日の出公園	日の出公園


日の出公園	日の出公園

天色開始黑了, 加上今日的行程亦玩畢, 便開車到深山峠美術館找今晚的住宿 KUMASAN. 在深山峠行下行下, dou 下dou 下, 唔覺意竟然駛入了 KUMASAN 的車場內. 我們登時目定口呆, 大獲, 乜咁殘舊的, 咩地方嚟架, 呢次一定係揀錯民宿嗽.

KUMASAN - 認住門口呢 D KUMASAN 親手做的彫刻公仔, 轉入去就啱架啦	KUMASAN - 見到呢個 KUMA PAPA 車房, 先知冇搵錯地方


KUMASAN - 停車場邊, 有 KUMASAN 親手做的木刻鹿	KUMASAN - 一入門口, 即俾一輪的 "咩咩" 聲嚇親, 原來.......

先下車, 行入主屋問清楚, 確定這裡是 KUMASAN 後, 便回去泊好車入屋 CHECK-IN. 幸好, 入到去感覺是另一個世界, 就是這種殘舊, 才感覺到這裡的原始, 是這裡的特色. KUMASAN 的屋全是自己搭建的, 還有一棵大樹穿過主屋的地下, 二樓及天台直伸出屋外, 挺特別呢.

由於房間是二樓, 帶著大型行李上樓梯不太方便, 於是便回車內執拾輕便行李上樓.

今天這裡有四 GROUP 共九個旅客, 全是香港人. 因其中一 PAIR 比較遲到, 所以到七點多才吃晚飯. 晚餐是自助餐型式的, 有 KUMANSAN樣的お好味燒, 超甜的粟米等. 雖然普通 D, 但這裡住宿的價錢超抵, 算係咁架啦.

KUMASAN - 晚飯時間	KUMASAN - 晚飯時間

KUMASAN - 飯後冇咩做, 睇吓望遠鏡	KUMASAN - 原來可以放個相機落望遠鏡度影月亮架喎

吃過晚飯後, 便是抽籤沖涼的時候, 每人抽一枝樹枝, 按抽到的先後次序沖涼, 每人限時約 20分鐘, 抽最後的, 要到大約 10:30 先可以沖涼呢 @@...

KUMASAN - 飯後抽籤沖涼	KUMASAN - 沖完涼, 仲可以跳落個大木筒度浸浴添

飯後, KUMANSAN 還會逐一睇睇我地的行程, 還會建議那裡的花田的花比較多...

約十一點多便睡了.......

支出

TYPE	DESCRIPTION	UNIT PRICE	COST
交通	租車 (7天車租)		$36,000
飲食	Lunch (朝日のあたる家)		$2,800
飲食	薰衣草雪糕 + 董衣草蜂蜜布甸		$730
住宿	KUMASAN (一泊二食)	5150 x 3	$15,450

TOTAL		(YEN)	$54,980